ދަނބިދޫ.ކޮމް Dhanbidhoo to the world
ފޮޓޯ: ދަނބިދޫ ކައުންސިލް މެންބަރުން ހުވައި ކުރައްވަނީ.
މިއަދު ހެނދުނު 11:00 ގައި ދަނބިދޫ ސްކޫލުގައި ބޭއްވި ހުވާކުރެއްވުމުގެ ދަރުބާރު ޞަލަވާތުގެ ބަރަކާތުން ފައްޓަވައި ދެއްވީ ދަނބިދޫ މުދިމު އަލްފާޟިލް އުމަރު ޔޫސުފްވެ. މިދަރުބާރު ތަޢާރުފް ކޮށްދެއްވީ ލ. ދަނބިދޫ ކައުންސިލް އިދާރާގެ ސީނިއަރ ޕްލޭނިންގ އޮފިސަރ އަބުދުއްލަތީފް މުޙައްމަދު އެވެ.
ކައުންސިލް މެންބަރުންނަށް ހުވައި ލައިދެއްވީ ދަނބިދޫ މެޖިސްޓްރޭޓްގެ އިސް ގާޒީ އަލްއުސްތާޛް އަޙްމަދު ޝަރީފްއެވެ. ހުވާ ކުރެއްވުމަށްފަހު ހުވައިގެ އިޤްރާރުގައި ހުރިހާ މެމްބަރުން ސޮއި ކުރެއްވި އެވެ.
ދަނބިދޫ ކައުންސިލްގެ ތިންވަނަދައުރަށް އިންތިޚާބުވެފައިވަނީ:
- އަލްފާޟިލްޙުސެއިން ފަޒީލް އަލިވާ ލ.ދަނބިދޫ (ޕީޕީއެމް).
- އަލްފާޟިލް އަޙުމަދު ޝަރީފް ދެރަހާ ލ.ދަނބިދޫ (އަމިއްލަ).
- އަލްފާޟިލް ޙުސައިން އަޝްރަފް ކަނީރުމާގެ ލ.ދަނބިދޫ (އެމްޑީޕީ).
ޤައުމީސަލާމުން ނިމުނު މިރަސްމިއްޔާތުގައި ،ދަނބިދޫ ކައުންސިލްގެ ވޭތުވެ ދިޔަ ދައުރުގެ މެންބަރުންނާއި، ސަރުކާރު އޮފީސްތަކުގެ މުވައްޒަފުންނާއި، އަލަށް އިންތިޚާބުވި މެމްބަރުންގެ ޢާއިލާ މެންބަރުންނާއި ބައެއް ޢާންމުން ބައިވެރިވިއެވެ.
